ສະໜາມບິນສາກົນອັດຕະປື ປິດບໍລິການເກືອບ 6 ປີ ຕອນນີ້ມອບໃຫ້ກະຊວງປ້ອງກັນປະເທດຄຸ້ມຄອງ

    0
    195

    ການໃຫ້ບໍລິການຂອງສະໜາມບິນ ຫຼື ເຮືອບິນ ແກ່ຜູ້ໂດຍສານໃນແຕ່ລະຖ້ຽວບິນ ແມ່ນຕ້ອງອາໄສຜູ້ໂດຍສານເປັນຫົວໃຈຫຼັກ ຖ້າຄົນຫຼາຍທຸລະກິດມີຜົນກຳໄລຈຶ່ງສາມາດໄປຕໍ່ໄດ້ ນີ້ເປັນໜຶ່ງເຫດຜົນທີ່ສະໜາມບິນສາກົນແຂວງອັດຕະປື ໄດ້ປິດໃຫ້ບໍລິການມາເກືອບ 6 ປີ.

    ຫຼ້າສຸດສະໜາມບິນສາກົນອັດຕະປືໄດ້ມອບໃຫ້ກອງບັນຊາການທະຫານອາກາດ ກະຊວງປ້ອງກັນປະເທດເປັນຜູ້ຄຸ້ມຄອງ. ເຊິ່ງພິທີມອບ-ຮັບ ລະຫວ່າງ ກົມການບິນພົນລະເຮືອນ, ຂຶ້ນກັບກະຊວງໂຍທາທິການ ແລະ ຂົນສົ່ງ, ແລະ ກອງບັນຊາການ ທະຫານອາກາດ ທີ່ຢູ່ພາຍໃຕ້ກະຊວງປ້ອງກັນປະເທດ ໄດ້ຈັດຂຶ້ນໃນວັນທີ 5 ກຸມພາ 2022 ທີ່ຜ່ານມາ ຢູ່ແຂວງອັດຕະປື.

    ສະໜາມບິນສາກົນອັດຕະປື ໄດ້ປິດໂຕລົງຢ່າງເປັນທາງການໃນປີ 2017 ຫລັງຈາກສາຍການບິນລາວ ເສັ້ນທາງ ວຽງຈັນ ຫາ ອັດຕະປື ຖືກຍົກເລີກໃນເດືອນຕຸລາ 2016. ອໍານາດການປົກຄອງແຂວງອັດຕະປື ເປີດເຜີຍໃນປີ 2017 ວ່າ ບໍລິສັດສາຍການບິນລາວ ຕັດສິນໃຈຢຸດການໃຫ້ບໍລິການຖ້ຽວບິນຈາກວຽງຈັນ ຫາ ອັດຕະປື ແຕ່ເດືອນຕຸລາ 2016 ເປັນຕົ້ນໄປ ເນື່ອງຈາກ ຈຳນວນຜູ້ໂດຍສານມີໜ້ອຍ, ຖ້ຽວບິນບໍ່ປົກກະຕິ.

    ສະໜາມບິນສາກົນອັດຕະປືໄດ້ຮັບການກໍ່ສ້າງໂດຍກຸ່ມບໍລິສັດ HAGL ຂອງ ສສ ຫວຽດນາມ ໂດຍ ກຸ່ມ HAGL ໄດ້ຮັບການກໍ່ສ້າງໃນວັນທີ 10 ພຶດສະພາ 2013 ແລະ ໄດ້ເປີດໃຫ້ບໍລິການໃນປີ 2015 ເຊິ່ງມູນຄ່າການກໍ່ສ້າງທັງໝົດ 289 ຕື້ກວ່າກີບ ຫຼື ປະມານ 36,9 ລ້ານໂດລາສະຫະລັດ.

    ທີ່ມາ: Lao Aviation

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.