ແມ່ຕູ້ ອາຍຸ 95 ປີ ຍ່າງຂາຍຜັກ ບໍ່ນ້ອຍໃຈໃນສັງຂານແລະໂຊກຊະຕາ

    0
    156

    ສະບາຍດີທ່ານຜູ້ອ່ານທີ່ໜ້າຮັກທຸກທ່ານ ກ່ອນອື່ນແອັດມິນແລະທີມງານເພຈ ກໍ່ຂໍຂອບໃຈທຸກທ່ານຜູ້ອ່ານຍັງຄົງຕິດຕາມຜົນງານຂອງເຮົາຕະຫຼອດມາ ທາງທີມງານຈະຄ່ອຍນຳສະເໜີເລື່ອງລາວດີໆ ໃຫ້ຄວາມເພີດເພີນໃຈ ແລະ ມີປະໂຫຍດແກ່ແຟນເພຈທັ້ງຫຼາຍໃຫ້ທ່ານໄດ້ອ່ານຢູ່ເປັນປະຈຳ ແລະ ທ້າຍນີ້ທາງທີມງານຂໍຝາກຄຳຄົມໄວ້ດັ່ງນີ້ ປະລິມານຂອງ ຄວາມສຸກ ບໍ່ໄດ້ຂຶ້ນຢູ່ກັບຈຳນວນຂອງ ສິ່ງດີໆ ທີ່ເຮົາໄດ້ຮັບ ແຕ່ຢູ່ທີ່ ມຸມມອງ ຂອງເຮົາທີ່ມີຕໍ່ ສິ່ງເຫຼົ່ານັ້ນ ຕ່າງຫາກ

    ມື້ນີ້ກໍ່ມີເລື່ອງລາວຂອງແມ່ຕູ້ຄົນໜຶ່ງທີ່ມັກຍ່າງຫິ້ວກະຕ່າຜັກມາຂາຍຢູ່ດ້ານໜ້າຮ້ານແອ໋ວໄຂ່ກະທະ ເມືອງຮ້ອຍເອັດ ບາງຄົນກໍ່ຍ່າງຜ່ານໄປ ບາງຄົນເຫັນກໍ່ຊ່ວຍຊື້ເພາະວ່າສົງສານແມ່ຕູ້ ຫຼັງຈາກທີ່ຜູ້ຄົນເຂົ້າມາອຸດໜູນຜັກແມ່ຕູ້ ຊາບວ່າແມ່ຕູ້ຊື່ນາງລຳໄພ ສູນທອນວັດ ອາຍຸ 95 ປີ ຢູ່ເຮືອນຫຼວງສ້າງໃຫ້ ເມືອງຮ້ອຍເອັດ ແມ່ຕູ້ລຳໄພ ເຫຼົ່າໃຫ້ຟັງວ່າແມ່ຕູ້ຢູ່ເຮືອນຄົນດຽວ ລູກຫຼານກໍ່ຕ່າງແຍກຍ້າຍກັນໄປທຳມາຫາກິນຄົນລະທິດລະທາງ ແມ່ຕູ້ມີອາຊີບປູກຜັກຂາຍ

    ໂດຍໃຊ້ພື້ນທີ່ຫຼັງເຮືອນເປັນບ່ອນປູກຜັກພໍໄດ້ລ້ຽງດູຕົວເອງ ແລະ ຜັກທີ່ໄດ້ກໍ່ຈະນຳມາຂາຍໃນເຂດເທດສະບານເມືອງຮ້ອຍເອັດເກືອບທຸກມື້ ໄດ້ມື້ລະ 200 – 400 ບາດ ແລ້ວແຕ່ລະວັນ ບາງຄົນທີ່ເຫັນແມ່ຕູ້ກໍ່ສົງສານຊ່ວຍຊື້ບາງເທື່ອກໍ່ໃຫ້ເງິນ ສ່ວນເງິນທີ່ໄດ້ກໍ່ໄດ້ນຳໄປໃຊ້ຈ່າຍ ເກັບ ແຕ່ກໍ່ບໍ່ໄດ້ຫຼາຍ ແມ່ຕູ້ເຮັດອາຊີບນີ້ມາກ່ວາ 12 ປີ

    ທຸກມື້ຕ້ອງຍ່າງໄປກັບເປັນໄລຍະທາງກ່ວາ 1 ກິໂລແມັດ ເພື່ອຈະມາຂາຍຜັກທີ່ຕົວເອງປູກ ທ້າວ ສົມລິດ ໂຄຕະຍັນ ພະນັກງານຂັບລົດຍົນເທດສະບານເມືອງຮ້ອຍເອັດ ເຜີຍວ່າຕົນເຄີຍອຸດໜູນແມ່ຕູ້ລຳໄພຢູ່ຕະຫຼອດ ເຫັນແມ່ຕູ້ຕໍ່ສູ້ຊີວິດຕາລຳພັງກໍ່ຮູ້ສຶກສົງສານ ແລະ ພູມໃຈໃນຄວາມເປັນຄົນສູ້ຊີວິດຂອງແມ່ຕູ້ລຳໄພ ແລະ ອຸດໜູນຊ່ວຍເຫຼືອແມ່ຕູ້ໃນການຊ່ວຍຊື້ຜັກບາງເທື່ອກໍ່ໃຫ້ເງິນເປັນຄັ້ງຄາວ

    ຢາກຈະໃຫ້ທຸກຄົນທີ່ຮັບຮູ້ເລື່ອງລາວຂອງແມ່ຕູ້ລຳໄພເອົາໄປເປັນແບບຢ່າງໃນການດິ້ນລົນຕໍ່ສູ້ຊີວິດເຖິງແມ່ຕູ້ລຳໄພຈະອາຍຸຫຼາຍເຖິງ 95 ປີແລ້ວແຕ່ແມ່ຕູ້ກໍ່ບໍ່ທໍ້ໃນສັງຂານ ແລະ ໂຊກຊະຕາ ຕໍ່ສູ້ໃນສິ່ງທີ່ຕົນເອງຍັງພໍມີກຳລັງ ແລະ ເຮັດໂດຍບໍ່ໃຫ້ໃຜເດືອດຮ້ອນ

    ບາງຄັ້ງຄົນທີ່ມາຊື້ຊ່ວຍແມ່ຕູ້ເງິນບໍ່ພໍແມ່ຕູ້ກໍ່ໃຈດີໃຫ້ໃນລາຄາທີ່ຄໄນຊື້ພໍຈ່າຍ ໂດຍແມ່ຕູ້ລຳໄພບອກວ່າແບ່ງກັນໄປກິນບໍ່ຖືວ່າຕິດເງິນມີເທົ່າໃດກໍ່ເອົາເທົ່ານັ້ນ ເຖິງວ່າລູກຄ້າຈະພະຍາຍາມບອກກັບແມ່ຕູ້ວ່າຄິດເງິນໄວ້ກ່ອນແຕ່ແມ່ຕູ້ກໍ່ປະຕິເສດທີ່ຈະຮັບ ແມ່ຕູ້ຊ່າງເປັນຄົນເຖົ້າຄົນແກ່ທີ່ລວຍນ້ຳໃຈແທ້ໆ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.