ສຽງປະຊາຊົນ ລຳບາກແຮງເສັ້ນທາງຕັດຜ່ານບ້ານຮ່ອງງົວ ຍາມແລ້ງຂີ້ຝຸ່ນໄງ່ຍາມຝົນຂີ້ຕົມໜາ

    0
    144

    ທາງດິນແດງຫຼາຍເສັ້ນຢູ່ນະຄອນຫຼວງວຽງຈັນ ເປັນບັນຫາທັງໃນລະດູແລ້ງ ແລະລະດູຝົນ ພໍຝົນຕົກເປັນຂີ້ຕົມ ແດດອອກພັດຂີ້ຝຸ່ນໄງ່ກຸ້ມ ສ້າງຄວາມລຳບາກໃຫ້ຜູ້ທຽວທາງສ່ຽງຕໍ່ການເກີດອຸບັດຕິເຫດ ທັງເປັນອັນຕະລາຍຕໍ່ສຸຂະພາບ ປັດຈຸບັນປະຊາຊົນບ້ານຮ່ອງງົວ ເມືອງນາຊາຍທອງ ນະຄອນຫລວງວຽງຈັນພວມຜະເຊີນກັບບັນຫາຂີ້ຝຸ່ນ ຈາກເສັ້ນທາງຕັດຜ່ານ ເນື່ອງຈາກວ່າ ມີທັງລົດໜັກ ແລະ ລົດເບົາທຽວເຂົ້າ-ອອກເປັນຈໍານວນຫລາຍ ແລະ ຕັດຜ່ານບ້ານຮ່ອງງົວ, ບ້ານແສນດິນ ແລະ ບ້ານໂພນມ່ວງ ແລ້ວອອກໄປບ້ານເວີນຄໍາ.

    ເມື່ອບໍ່ດົນມານີ້, ທ່ານ ຕິ່ງຄໍາ ອິນທະວົງ ນາຍບ້ານໆຮ່ອງງົວ ເມືອງນາຊາຍທອງ ນະຄອນຫລວງວຽງຈັນ ໄດ້ໃຫ້ສຳພາດ ຕໍ່ນັກຂ່າວວ່າ: ປັດຈຸບັນ ປະຊາຊົນບ້ານຮ່ອງງົວ ໄດ້ຮັບຜົນກະທົບຈາກບັນຫາຂີ້ຝຸ່ນ ຈາກການພັດທະນາພື້ນຖານໂຄງລ່າງ ກໍຄື ເສັ້ນທາງຕັດຜ່ານບ້ານຮ່ອງງົວ ຈາກທາງເລກທີ 13 ເໜືອ ຫາທາງເລກທີ 13 ໃຕ້ ເປັນທາງດິນແດງໄລຍະທາງ 3 ກິໂລແມັດ.

    ຕາມແຜນການຈະພັດທະນາໃຫ້ເປັນທາງເບຕົງເສີມເຫລັກ ເນື່ອງຈາກວ່າເສັ້ນທາງນີ້ມີທັງລົດໜັກ ແລະ ລົດເບົາທຽວເປັນຈໍານວນຫລາຍ ແລະ ຕັດຜ່ານບ້ານຮ່ອງງົວ ແສນດິນ ແລະ ບ້ານໂພນມ່ວງ ແລ້ວອອກເວີນຄໍາ ແຕ່ແຜນການພັດທະນາໄດ້ຢຸດລົງຈົນມາຮອດປັດຈຸບັນ. ນັບຕັ້ງແຕ່ປີ 2012 ເປັນຕົ້ນມາ ການບູລະນະເສັ້ນທາງດັ່ງກ່າວແມ່ນປະຊາຊົນ 3 ບ້ານໄດ້ສົມທົບກັບບໍລິສັດ ດູດຫີນແຮ່ ສ້ອມແປງໃນແຕ່ລະປີ ໂດຍບໍລິສັດ ໄດ້ຫົດນໍ້າເຊົ້າ-ແລງ ແຕ່ກໍຍັງມີຂີ້ຝຸ່ນຢູ່.

    ດັ່ງນັ້ນ ຂໍສະເໜີມາຍັງຂັ້ນເທິງ ກໍຄື ພາກສ່ວນກ່ຽວຂ້ອງ ບິແບ່ງງົບປະ ມານ ເພື່ອປັບປຸງສ້ອມແປງເສັ້ນທາງດັ່ງກ່າວ, ຖ້າຫາກງົບປະມານມີຈຳກັດ ປະຊາຊົນພາຍໃນບ້ານກໍຈະປະກອບສ່ວນຕາມທ່າແຮງຕົວຈິງ. ແນວໃດກໍ່ຕາມເສັ້ນທາງເຂົ້າບ້ານ ປະຈຸບັນຫຼາຍບ້ານຢູ່ປະເທດເຮົາແມ່ນໄດ້ອອກທຶນກັນສ້າງເອງ ຖ້າຈະອາໄສແຕ່ພາກລັດຄົງຕ້ອງລໍຖ້າຍາວນານ ເນື່ອງຈາກລັດມີຄວາມຈຳເປັນໃຊ້ງົບປະມານໃນຫຼາຍໜ້າວຽກທີ່ຈຳເປັນຮີບດ່ວນກວ່າ ອີກຢ່າງເສັ້ນທາງທີ່ເປ່ເພບໍ່ມີສະເພາະຈຸດດຽວຈິ່ງບໍ່ງ່າຍໃນການຈັດແບ່ງງົບປະມານໃຫ້ທົ່ວເຖິງ.

    ຈາກ: ປະເທດລາວ

    LEAVE A REPLY

    Please enter your comment!
    Please enter your name here