ເກມອອນລາຍເປັນເຫດ !! ຄ າ ດ ຕ ະ ກໍ າໝົດຄອບຄົວຍ້ອນຕິດເກມ

0
126

ເວັບໄຊ້ຂ່າວຕ່າງປະເທດ ໄດ້ລາຍງານວ່າ: ໃນວັນທີ 19 ມັງກອນ 2022 ທີ່ຜ່ານມາ ທີ່ເມືອງລາຮໍ ເມືອງຫຼວງຂອງແຂວງ ປັນຈາບ ປະເທດປາກີສະຖານ ໄດ້ພົບຜູ້ເສຍຊີວິດ 4 ຄົນຢູ່ໃນເຮືອນ ເຊິ່ງຢູ່ພາຍໃນເຮືອນເຫຼືອພຽງເດັກຊາຍອາຍຸ 14 ປີພຽງຄົນດຽວທີ່ບໍ່ໄດ້ເສຍຊີວິດ.

ພາຍຫຼັງຕໍາຫຼວດໄດ້ເຂົ້າໄປກວດສອບຢູ່ບ່ອນເກີດເຫດກໍພົບວ່າ ເດັກຊາຍຄົນດັ່ງກ່າວໄດ້ໃຊ້ປືນຍິງແມ່, ອ້າຍ, ເອື້ອຍ ແລະ ນ້ອງສາວ ເສຍຊີວິດຢູ່ພາຍໃນເຮືອນ ສາເຫດອາດເກີດມາຈາກຕິດເກມ PUBG ແລະ ມີບັນຫາທາງຈິດ ເນື່ອງມາຈາກໃຊ້ເວລາຫຼີ້ນເກມຫຼາຍຊົ່ວໂມງຕໍ່ໜຶ່ງມື້.

ໃນຊ່ວງສອງປີທີ່ຜ່ານມາ ປະເທດປາກີສະຖານໄດ້ເກີດເຫດເຍົາວະຊົນຂ້າຕົວຕາຍ 3 ຄົນ ໂດຍສາເຫດການຕາຍແມ່ນມີສ່ວນກ່ຽວຂ້ອງກັບການຫຼີ້ນເກມອອນລາຍ ແລະ ລ່າສຸດທາງດ້ານຫົວໜ້າຕໍາຫຼວດ ແຂວງປັນຈາບໄດ້ອອກມາສະເໜີໃຫ້ຜູ້ທີ່ມີອໍານາດສັ່ງຫ້າມບໍ່ໃຫ້ຫຼີ້ນເກມ ເພື່ອປ້ອງກັນບໍ່ໃຫ້ເກີດເຫດການແບບນີ້ອີກ.