ບາງຄັ້ງເຮົາມົວແຕ່ຄິດເຖິງອະນາຄົດ ຈົນຫຼົງລືມຄວາມສຸກໃນປັດຈຸບັນ

    0
    148

    ຂະນະທີ່ເສດຖີບັງເອີນຍ່າງຜ່ານມາເຫັນກັບຊາຍຍາຈົກຜູ້ໜຶ່ງ ເຊິ່ງກຳລັງນັ່ງຕຶກປາຢູ່ຢ່າງສະບາຍໃຈ ເສດຖີເວົ້າຂຶ້ນວ່າ:ເຈົ້າຕຶກເບັດແນວນີ້ບໍ່ມີວັນລວຍດອກ ຂ້ອຍຈະແນະນຳໃຫ້ເຈົ້າຈາກໃຈຈິງ ໃຫ້ເຈົ້າເອົາປາທີ່ຕຶກໄດ້ນັ້ນໄປຂາຍ ແລ້ວເກັບເງິນຊື້ເຮືອຈັກລຳໜຶ່ງ

    ແລ້ວເປັນຫຍັງຂ້ອຍຕ້ອງເຮັດແບບນັ້ນ ຊາຍຍາຈົກວາງເບັດແລ້ວຫັນມາຖາມຫາກເຈົ້າມີເຮືອ ເຈົ້າກໍ່ຈະອອກໄປຕຶກປາໄດ້ໄກ ທັງໄດ້ປາຫຼາຍກ່ວານີ້ອີກດ້ວຍ ແລ້ວຫຼັງຈາກນັ້ນເດ້?

    ແນ່ນອນເມື່ອໄດ້ປາຫຼາຍ ເຈົ້າກໍ່ເອົາໄປຂາຍ ເຈົ້າກໍ່ຈະໄດ້ເງິນຫຼາຍຂຶ້ນ ກໍ່ເອົາໄປຊື້ເຮືອລຳໃຫຍ່ຂຶ້ນ ເຈົ້າກໍ່ຈະລວຍຂຶ້ນໄປອີກ ແລ້ວຫຼັງຈາກນັ້ນເດ້? ຊາຍຍາຈົກນັ້ນຖາມອີກ ເມື່ອເຈົ້າມີອິດສະຫຼະພາບທາງການເງິນ ເຈົ້າກໍ່ຈະໄດ້ມານັ່ງຕຶກປາຢ່າງສະບາຍໃຈ ເສດຖີຕອບ

    ແລ້ວຕອນນີ້ຂ້ອຍບໍ່ໄດ້ນັ່ງຕຶກປາສະບາຍໃຈບໍ່ແມ່ນວ່າ ການທີ່ຄົນເຮົາຫາເງິນຈະເປັນເລື່ອງບໍ່ດີ ໃນສັງຄົມຍ່ອມຕ້ອງກິນຕ້ອງໃຊ້ເປັນທຳມະດາ ຫາກແຕ່ວ່າເງິນອາດບໍ່ແມ່ນທັງໝົດ ຊາຍຍາຈົກພຽງຕ້ອງການຕຶກປາ ບໍ່ໄດ້ຕ້ອງການຫາເງິນຈາກກິດຈະກຳດັ່ງກ່າວ ແຕ່ເສດຖີເບິ່ງຫາໂອກາດຈາກສິ່ງທີ່ເຂົາເຫັນ ບໍ່ມີໃຜຜິດໃນເຫດການນີ້ ພຽງແຕ່ຢາກຊີ້ໃຫ້ເຫັນເຖິງວ່າ

    ບາງທີຫາເງິນອາດຈຳເປັນຕ້ອງເບິ່ງໄກບໍ່ພຽງແຕ່ໄດ້ເຮັດໃນສິ່ງທີ່ຢາກເຮັດຂະນະປັດຈຸບັນ ຄືຊາຍຍາຈົກຄົນນັ້ນ ພຽງຢູ່ກັບສິ່ງຂ້າງໜ້າ ຂໍພຽງແຕ່ໄດ້ນັ່ງເພີດເພີນຕຶກປາ ບໍ່ໄດ້ກັງວົນກັບອະນາຄົດທີ່ມາບໍ່ເຖິງ ນັ້ນອາດເປັນສິ່ງທີ່ເອີ້ນໄດ້ວ່າ ຄວາມສຸກທີ່ຜູ້ຄົນຕ່າງກໍ່ຕາມຫາກັນກໍ່ເປັນໄດ້

    LEAVE A REPLY

    Please enter your comment!
    Please enter your name here