ນ້ອງແວວຕາ ເດັກຍິງກະຕັນຍູ ຜູ້ດຸໝັ່ນ ຂະຫຍັນ ຮຽນເກັ່ງ ຂໍສູ້ຊີວິດເພື່ອພໍ່

    0
    196

    ເດັກຍິງກະຕັນຍູ ສູ້ຊີວິດ ຂະຫຍັນ ຮຽນເກັ່ງ ພໍ່ເສຍຊີວິດບໍ່ມີທີ່ເພິ່ງທາງໃຈອາໄສເຮືອນໝູ່ຫຼັບນອນຊີວິດຄົນເຮົາທຸກຄົນມີບັນຫາ

    ມີຄວາມທຸກຍາກລຳບາກໃນຊີວິດຈິງຢູ່ທີ່ເຮົາບໍ່ສາມາດເລືອກເກີດໄດ້ ແຕ່ສິ່ງທີ່ເຮົາເລືອກໄດ້ຄືເລືອກທີ່ຈະໃຫ້ຊີວິດຂອງເຮົາເປັນແນວໃດຕໍ່ໄປ

    ແລະເລື່ອງລາວຕໍ່ໄປນີ້ຂອງ ນ້ອງແວວຕາ ເກດສຸວັນ ອາຍຸ 18 ປີ ນັກຮຽນຊັ້ນ ມ.6 ການຈະນະບູລີ ແຕ່ກ່ອນແວວຕາມີພໍ່ຄອຍປົກປ້ອງແລະດູແລທຸກຢ່າງ

    ຫຼັງຈາກພໍ່ເສຍຊີວິດລາວຕ້ອງຮຽນຮູ້ທີ່ຈະເພິ່ງພາຕົນເອງ ແວວຕາມັກນຳພໍ່ໄປເຮັດວຽກໃນໄຮ່ສວນ ຫາປາ ຫາໜໍ່ໄມ້ ຕັ້ງແຕ່ຕອນຍັງນ້ອຍ ປະສົບການແລະຄຳສອນຂອງພໍ່ເຮັດໃຫ້ລາວກ້າລຸກຂຶ້ນສູ້

    ໃນຍາມທີ່ບໍ່ມີເສົາຫຼັກຂອງຄອບຄົວ ແວວຕາ ດິ້ນລົກສົ່ງເສຍຕົວເອງເພື່ອໃຫ້ຈົບຊັ້ນມັດທະຍົມສຶກສາປີທີ່ 6 ເພາະພໍ່ຫວັງໄວ້ວ່າຢາກໃຫ້ລາວໄດ້ຮຽນສູງໆ

    ເຖິງຕອນນີ້ແວວຕາອາດເບິ່ງບໍ່ເຫັນໂອກາດທີ່ຈະໄດ້ຮຽນຕໍ່ມະຫາວິທະຍາໄລ ແຕ່ລາວຈະພະຍາຍາມສູ້ໃຫ້ເຖິງທີ່ສຸດ ແວວຕາມາອາໄສຢູ່ທີ່ເຮືອນຂອງເພື່ອນສະໜິດ

    ລາວຈຶ່ງຄອຍຊ່ວຍເຫຼືອວຽກເຮືອນທຸກຢ່າງເທົ່າທີ່ເຮັດໄດ້ເພື່ອຕອບແທນນ້ຳໃຈອັນດີ ແລະ ຍັງໄດ້ໂອກາດນຳຄອບຄົວຂອງເພື່ອນໄປຮັບຈ້າງລາຍວັນໃນວັນຫຍຸດ

    ແລະ ຂະຫຍັນຫາລາຍໄດ້ເສີມທຸກທາງເທົ່າທີ່ຈະເຮັດໄດ້ ເຖິງຕອນນີ້ຈະບໍ່ມີພໍ່ຄອຍປົກປ້ອງດູແລທຸກຢ່າງແລ້ວ ກໍ່ບໍ່ເປັນຫຍັງຫຼັງຈາກນີ້ແວວຕາກໍ່ຈະສູ້ຊີວິດໃຊ້ເວລາທີ່ເຫຼືອຫຼັງຈາກນີ້ເພື່ອຕົວເອງເພື່ອພໍ່

    ແວວຕາຈະຕັ້ງໃຈຮຽນເພື່ອພໍ່ ເພື່ອໃຫ້ພໍ່ພູມໃຈໃນຕົວແວວຕາ ເຖິງແມ່ນວ່າຈະຕ້ອງອາໄສນອນເຮືອນໝູ່ ທາງເຮືອນໝູ່ກໍ່ດູແລແວວຕາເປັນຢ່າງດີ ແວວຕາເປັນເດັກດີຄອຍຊ່ວຍເຫຼືອວຽກທຸກຢ່າງໃນເຮືອນສະເໝີ

    LEAVE A REPLY

    Please enter your comment!
    Please enter your name here