ໂສມຫນ້າ ຕຳແລ້ວຫນີ ຈັບໄດ້ແລ້ວ

    0
    145

    ໂສມຫນ້າ ຕຳແລ້ວຫນີບໍ່ລອດ

    ໃນວັນທີ 27 ມັງກອນ 2022 ພະແນກຕຳຫລວດຈະລາຈອນ ປກສ ນວ ຖະແຫລງ ການຈັບຕົວ ທ້າວ ວຽງສະຫວັນ ອາຍຸ 31 ປີ ຂັບລົດກະບະວີໂກ ໝາຍເລກທະບຽນ ກຫ 4489 ກຳແພງນະຄອນ ຕຳກັບລົດຈັກ ນາງ ຕຽງຄຳ ອາຍຸ 64 ປີ, ບ້ານຊ້າງຄູ້ ເມືອງໄຊທານີ ຢູ່ຖະໜົນ 450 ປີ ເຂດບ້ານນາແຄ ວັນທີ 24 ມັງກອນ 2022, ເສຍຊີວິດຄາທີ່ ແລ້ວເອົາຕົວຫລົບໜີ, ເຈົ້າໜ້າທີ່ໄລ່ຊອກ-ໄລ່ຈັບສາມາດຈັບຕົວໄດ້.

    ເຈົ້າໜ້າທີ່ຕຳຫຼວດຈະລາຈອນ ປກສ ນະຄອນຫລວງວຽງຈັນ ໃຫ້ຮູ້ວ່າ: ພາຍຫຼັງໄດ້ຮັບແຈ້ງວ່າມີອຸບັດຕິເຫດລົດຕຳກັນເສຍຊີວິດ ແລ້ວຜູ້ຂັບຂີ່ລົດໃຫຍ່ເອົາຕົວຫລົບໜີ ເຈົ້າຫນ້າທີ່ຈຶ່ງໄດ້ລົງກວດກາຊັນນະສູດວັດແທກເກັບກຳຂໍ້ມູນຫຼັກຖານ ກວດກ້ອງວົງຈອນປິດວ່າລົດຂອງຜູ້ກໍ່ເຫດຫລົບຫນີໄປທາງບ້ານຫນອງພະຍາ ເມືອງໄຊທານີ, ຈາກນັ້ນ ຈິ່ງໄປເຊັກເບິ່ງທະບຽນລົດນຳກອງຄຸ້ມຄອງພາຫະພະ ແລະ ການຂັບຂີ່ ຈິ່ງສາມາດຮູ້ໄດ້ລົດຄັນກໍ່ເຫດແມ່ນລົດຂອງໃຜ.

    ຕົກມາຮອດວັນທີ 25 ມັງກອນ 2022 ເວລາ 5:00 ໂມງ ຈຶ່ງສາມາດນຳຈັບຕົວຜູ້ຫລົບຫນີ ພ້ອມພາຫະນະໄດ້ຢູ່ບ້ານ ຫນອງພະຍາ ເມືອງໄຊທານີ ເຮືອນຜູ້ກໍ່ເຫດ ຈາກນັ້ນຈຶ່ງໄດ້ນຳຕົວຂື້ນມາ ສອບສວນ ດຳເນີນຄະດີ.

    LEAVE A REPLY

    Please enter your comment!
    Please enter your name here