ແບ່ງເງິນ 4 ສ່ວນ ທີ່ຖືກຕ້ອງຕາມຄຳສອນ ເອົາໄປປະຕິບັດກັນເດີ

    0
    74

    ເງິນບໍ່ແມ່ນທຸກຢ່າງຄືທີ່ຫຼາຍຄົນມັກເວົ້າກະແທ້ ແຕ່ວ່າຫຼາຍຢ່າງກວ່າຈະໄດ້ມາກໍ່ລ້ວນແລ້ວແຕ່ໃຊ້ເງິນຊື້ກ່ອນຈຶ່ງຈະໄດ້ ດັ່ງນັ້ນ ການໃຊ້ເງິນທີ່ຖືກຕ້ອງຄືມີການວາງແຜນທີ່ຖືກຕາມຫຼັກການ ເຊິ່ງເລື່ອງນີ້ ພຣະພຸດທະເຈົ້າໄດ້ສອນໄວ້ໃຫ້ແບ່ງເງິນເປັນສີ່ສ່ວນ ຫຼາຍໜ້ອຍບໍ່ສຳຄັນ ແຕ່ຂໍໃຫ້ຖືກຕ້ອງ ແລະ ຖືກວິທີ

    ໃຊ້ໜີ້ເກົ່າ: ໃຊ້ໜີ້ເກົ່າ ຄື ໃຫ້ພໍ່ແມ່ ເພາະທ່ານໃຫ້ກຳເນີດແລະລ້ຽງດູເຮົາມາ ເຮົາລ້ວນເປັນໜີ້ບຸນຄຸນທ່ານ ຈິ່ງຕ້ອງຕອບແທນພຣະຄຸນ

    ໃຊ້ໜີ້ໃໝ່: ໃຊ້ໜີ້ໃໝ່ ຄື ໃຫ້ບຸດ ລ້ຽງພັນລະຍາ ບຸດຖືວ່າເປັນເຈົ້າໜີ້ທີ່ເຮົາສ້າງຂຶ້ນມາໃໝ່ໃນພາຍຫຼັງ ທີ່ຈະຕ້ອງຊົດໃຊ້ເຂົາ ລ້ຽງພັນລະຍາໃຫ້ດີ ເພື່ອບໍ່ໃຫ້ມີປາກມີສຽງ ປ້ອຍດ່ານິນທາ ອັນເປັນເຫດແຫ່ງຄວາມເສື່ອມຢ່າງໜຶ່ງ
    ຝັງດິນໄວ້: ຝັງດິນໄວ້ ຄື ເກັບໄວ້ແຮເຈັບໄຂ້ໄດ້ປ່ວຍ ໃຊ້ທຳບຸນທຳທານ ບຳຣຸງສະມະນະຊີພຣາມຜູ້ທຣົງສີນ ແລະ ທຳການກຸສົນຕ່າງໆ ເພື່ອຝັງໄວ້ເປັນອະຣິຍະຊັບ ສຳລັບໃຊ້ເດີນທາງໃນວັດຕະສົງສານ

    ຖິ້ມລົງເຫວ: ຖິ້ມລົງເຫວ ຄື ໃຊ້ທ່ຽວ, ຫຼິ້ນ, ກິນ, ໃຊ້ຈ່າຍໃນຊີວິດປະຈຳວັນໃຫ້ຜາສຸກ ລ້ຽງໝູ່ຍາດສະໜິດ ມິດສະຫາຍ ຂ້າທາດກຳມະກອນໃຫ້ເປັນສຸກ ຈ່າຍຄ່າພາສີ ຄ່ານ້ຳຄ່າໄຟແລະອື່ນໆ ດັ່ງນັ້ນ ພຣະພຸດທະເຈົ້າທຣົງປຽບທ້ອງຂອງມະນຸດນີ້ ຄືດັ່ງເຫວເລິກ ກິນທໍ່ໃດກໍ່ບໍ່ເຄີຍເຕັມ…

    ຄົນເຖົ້າຄົນແກ່ມັກເອົາມາຮຽງຖ້ອຍ ຮ້ອຍຄຳໃໝ່ ເພື່ອຈື່ຈຳງ່າຍວ່າ: ໃຊ້ໜີ້ເກົ່າ, ປິດປາກງູເຫົ່າ,ຝັງດິນໄວ້ ແລະ ຖິ້ມໃສ່ກົ້ນເຫວ ເຊິ່ງວ່າສະຫຼຸບແລ້ວກໍ່ຄວາມໝາຍດຽວກັນນັ້ນເອງ.

    LEAVE A REPLY

    Please enter your comment!
    Please enter your name here