ສາຍບຸນຮູ້ໄວ້! ຊີ້ນ 10 ຢ່າງທີ່ຫ້າມພະສັນ( ກິນ) ເຮົາບໍ່ຄວນເອົາໄປວັດເດີ

    0
    125

    ຫຼາຍຄົນອາດຈະບໍ່ຮູ້ວ່າ ມີຂໍ້ຫ້າມ ກ່ຽວກັບເລື່ອງການກິນ-ຢູ່ ມາແຕ່ສະໄໝບູຮານນະການແລ້ວ ໂດຍສະເພາະໃນພະພຸດທະສາສະໜານັ້ນ ຊີ້ນສັດທີ່ຫ້າມບໍ່ໃຫ້ພະສົງສັນ ຕາມຄວາມໃນພະໄຕປີດົກກ່າວເຖິງອາຫານຕ້ອງຫ້າມສຳລັບພະສົງ ລວມທັງຊີ້ນສັດທີ່ບໍ່ ບໍລິສຸດອີກ 3 ຢ່າງ.

    ເຊິ່ງວ່າຊີ້ນ 10 ຢ່າງທີ່ພະພຸດທະເຈົ້າຫ້າມພະສົງສັນມີດັ່ງນີ້: ຊີ້ນມະນຸດ: ສາເຫດທີ່ຫ້າມກິນຊີ້ນມະນຸດນັ້ນເນື່ອງຈາກວ່າ: ອາດມີຄົນສັດທາໃນພະສົງນັ້ນແລ້ວ ຍອມອຸທິດຕົນເອງມາຖວາຍກໍ່ເປັນໄດ້ ແລະ ການກິນຊີ້ນ ແລະ ເລືອດມະນຸດຖືວ່າເປັນຄວາມຜິດທີ່ຮ້າຍແຮງທີ່ສຸດໃນບັນດາການກິນຊີ້ນ 10 ຊະນິດ. ຊີ້ນຊ້າງ . ຊີ້ນມ້າ

    ສາເຫດທີ່ຫ້າມກິນຊີ້ນຊ້າງ ແລະ ມ້າ ກໍ່ເນື່ອງມາຈາກສັດເຫຼົ່ານັ້ນ ເປັນພາຫະນະຂອງກະສັດຜູ້ຍິ່ງໃຫຍ່ໃນສະໄໝກ່ອນ ຊີ້ນໝາ , ຊີ້ນງູ ສາເຫດທີ່ຫ້າມກິນຊີ້ນ ໝາ ແລະ ງູ ເນື່ອງຈາກສັດທັງສອງນີ້ຈັດເປັນສັດທີ່ມີຮູບລັກສະນະທີ່ບໍ່ດີປານໃດ ( ເປັນຕາຢ້ານ) ບໍ່ສົມຄວນທີ່ເພດສະມານະຈະບໍລິໂພກ ແລະ ບາງຄົນຍັງບອກອີກວ່າ ພະຍານາກທີ່ສັດທາພະພຸດທະສາສະໜາເປັນຢ່າງຍິ່ງມີການຂໍໄວ້.

      ຊີ້ນຣາຊະສີ , ຊີ້ນໝີ , ຊີ້ນເສືອໂຄ່ງ , ຊີ້ນເສືອດາວ , ຊີ້ນເສືອເຫຼືອງ

      ສາເຫດທີ່ພະພຸດທະເຈົ້າຫ້າມ ເພື່ອປ້ອງກັນການຖືກທຳຮ້າຍຈາກສັດດັ່ງກ່າວ ເນື່ອງຈາກກິ່ນຕົວຈະມີກິ່ນພວກນີ້ຕິດຢູ່ນຳ. ສຳລັບຊີ້ນທີ່ບໍ່ ບໍລິສຸດ 3 ຢ່າງໄດ້ແກ່ ຊີ້ນທີ່ໄດ້ຍິນ: ໝາຍຄວາມວ່າພະສົງໄດ້ຍິນຊາວບ້ານເຂົາເວົ້າກັນວ່າຈະມີການຂ້າສັດໃດກໍ່ຕາມ ເພື່ອທີ່ຈະນຳມາປຸງເປັນອາຫານຖວາຍແດ່ພະສົງ.ຊີ້ນທີ່ໄດ້ເຫັນ: ໝາຍເຖິງສັດໃດກໍ່ຕາມທີ່ພະສົງໄດ້ເຫັນຊາວບ້ານເຂົາເວົ້າກັນວ່າຈະມີການຂ້າສັດໃດກໍ່ຕາມ ເພື່ອທີ່ຈະນຳມາປຸງເປັນອາຫານຖວາຍແດ່ພະສົງ. ຊີ້ນທີ່ຕົນບໍ່ມັກ ( ລັງກຽດ ): ໝາຍເຖິງຊີ້ນທີ່ພະສົງລັງກຽດ ດ້ວຍເຫດຜົນ 2 ປະການຂ້າງຕົ້ນ ລວມທັງສັດໃດກໍ່ຕາມທີ່ຕົນເອງໄດ້ເຄີຍເອີ່ຍວາຈາໄວ້ແລ້ວວ່າ ຈະບໍ່ກິນຊີ້ນສັດຊະນິດນີ້.

    LEAVE A REPLY

    Please enter your comment!
    Please enter your name here