ມາແລັວ!! MV ເພງ”ລໍອ້າຍທີ່ເຂື່ອນນ້ຳງື່ມ”ສາວພອນ ບ່າວແມັກ ຮັບບົດເປັນພະເອກ ນາງເອກ

    0
    501

    ວິນາທີນີ້ຕ້ອງຍົກໃຫ້ ສາວພອນ ຄົນດັງໃນສື່ສັງຄົມອອນລາຍທີ່ກາຍເປັນກະແສບໍ່ວ່າຈະຕີງໂຕເຮັດຫຍັງກໍໄດ້ຮັບຄວາມສົນໃຈຈາກສັງຄົມ

    ຫຼ້າສຸດກໍຍິ່ງຖືກຈັບຕາຂຶ້ນໄປອີກຫຼັງຈາກທີ່ເຟສບຸກທາງການຂອງ ຈິນຕະຫຼາ ພູນລາບ ນັກຮ້ອງດັງຂອງໄທໄດ້ອອກມາເປີດເຜີຍວ່າ ເອັມວີເພງໃໝ່ຂອງຕົນເອງຢ່າງ “ຄອຍອ້າຍທີ່ເຂື່ອນນໍ້າງື່ມ” (รอพี่ที่เขื่อนน้ำงึม)

    ຈະໄດ້ສາວພອນ ແລະ ບ່າວແມັກ ເຊິ່ງເປັນຄູ່ຮັກຄົນດັງຊາວສະຫວັນນະເຂດທີ່ກຳລັງເປັນກະແສໃນຂະນະນີ້.ເພງນີ້ນອກຈາກຈິນຕະຫຼາແລ້ວ ຍັງໄດ້ນັກຮ້ອງຈາກລາວຢ່າງ ແພັດ ເພັດດາວອນ ມາຮ້ອງຮ່ວມນຳ ເຊິ່ງ ແພັດເອງກໍເປັນທີ່ຮູ້ຈັກກັນດີທັງຝັ່ງລາວ ແລະ ໄທ ຈາກການໄປຮ່ວມແຂ່ງຂັນຮ້ອງເພງໃນລາຍການ ເສິກວັນດວນເພງ.

    ເວົ້າໄດ້ວ່າ ເປັນການລວມໂຕຂອງຄົນດັງທີ່ເປັນທີ່ຮູ້ຈັກກັນທັງສອງຝັ່ງຂອງ.ສຳລັບເພງ ຄອຍອ້າຍທີ່ເຂື່ອນນໍ້າງື່ມ, ເຟສບຸກທາງການຂອງຈິນຕະຫຼາໄດ້ເປີດເຜີຍວ່າ ຈະປ່ອຍໃຫ້ຟັງກັນໃນວັນທີ 25 ມັງກອນ 2022 ນີ້ ເຊິ່ງນັບຈາກມື້ນີ້ໄປກໍອີກບໍ່ເທົ່າໃດມື້ເທົ່ານັ້ນ.

    ມາຖ້າກັນວ່າ ບົດບາດຂອງ ສາວພອນ ແລະ ບ່າວແມັກ ໃນຖານະນາງເອກ ແລະ ພະເອກເອັມວີ ຈະເປັນແນວໃດ ກໍຕ້ອງມາລໍຖ້າເບິ່ງນຳກັນ.

    ລ່າສຸດ ປ່ອຍອອກມາໃຫ້ໄດ້ເບິ່ງກັນແລ້ວພີ່ນ້ອງ ເອົາວ່າຈະມ່ວນສ່ຳໃດໄປຮັບຊົມພ້ອມໆ ກັນເລີຍ

    ຊົມຄລີບ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.