ຝຣັ່ງ ກຳຈັດ ສັດປິກ ປ້ອງກັນໄຂ້ຫວັດສັດປິກ ຫລາຍກວ່າ 2,5 ລ້ານໂຕ

0
85

ຂປລ.ສຳນັກ​ຂ່າວ ​ຕ່າງປະ​ເທດ ລາຍ​ງານ​ຈາກ ນະຄອນຫລວງ ປາຣີ ປະ​ເທດ​ຝຣັ່ງ, ວັນ​ທີ 20 ມັງກອນ​ປີ 2022, ກະຊວງ​ ກະສິກຳ ຝຣັ່ງ ໄດ້່ອອກ​ຖະ​ແຫລ​ງການ​ ໂດຍຢືນຢັນ​ວ່າ ໄດ້ສັ່ງ​ກຳຈັດ​ ສັດ​ປິກ ຫລາຍກວ່າ 2,5 ລ້ານ​ໂຕ ຢູ່ ​ຟາ​ມ​ແຫ່ງ​ໜຶ່ງ ຕັ້ງ​ຢູ່​ ທາງ​ພາກ ຕາ​ເວັນ​ຕົກ​ສຽງ​ໃຕ້​ ຂອງ​ ປະ​ເທດ ​ເນື່ອງ​ຈາກ ​ມີ​ການ ​ແພ່​ລະະບາດ ​ຂອງ ​ໄຂ້ຫວັດ​ ສັດ​ປິກ, ​​ເຖິງ​ແມ່ນວ່າ ​ເຈົ້າ​ໜ້າ​ທີ່ ໄດ້

ກຳຈັດສັດ​ປິກ ​ໄປ​ແລ້ວ​ ປະມານ 1,2 ລ້ານ​ໂຕ ​ແຕ່​ຈຳ​ເປັນ​ຕ້ອງ ກຳຈັດ ​ສັດປິກ ​ເພີ່ມຕື່ມ​ອີກ 1,3 ລ້ານ​ໂຕ ​ເພື່​ອປ້ອງ​ກັນ​ ພະຍາດ ດັ່ງກ່າວ. ທັງນີ້ ການ​ແພ່​ ລະບາດ​ ຂອງ​ ໄຂ້ຫວັດ ສັດ​ປິກ​ໃນ​ ຝຣັ່ງ ​ເປັນ​ໜຶ່ງ​ ໃນ​ຫລາ​ບກວ່າ 300 ກໍລະນີ ທີ່​ມີ​ ການຢືນຢັນ ​ໃນ​ເອີຣົບ ຕັ້ງ​ແຕ່​ຕົ້ນ​ ເດືອນ​ນີ້, ຖື​ເປັນ​ການ ​ແພ່​ລະບາດ ຮອບ​ໃໝ່​ທີ່​ສຸດ ຂອງ​ ໄຂ້ຫວັດ​ ສັດ​ປິກ ທີ່​ເຄີຍ​ ເກີດ​ຂຶ້ນ ​ໃນ​ພາກ​ພື້ນ​ ແຫ່ງ​ນີ້./.