ເຮັດໂຕມີພິລຸດ ຈາລະຈອນສັ່ງຫຸບພົບ ຢ າ ເ ສ ບ ຕ ິ ດ

    0
    155

    ເຈົ້າໜ້າທີ່ຈາລະຈອນ ປກສ ເມືອງນາຊາຍທອງ ກັກຕົວເປົ້າໝາຍໄດ້ 2 ຄົນ ທີ່ມີຢາເສບຕິດໄວ້ໃນຄອບຄອງຄື: ທ້າວ ໂຕດ ອາຍຸ 43 ປີ ກໍາມະກອນ ປະຊາຊົນຢູ່ ບ້ານໃໝ່ ເມືອງໂພນໂຮງ ແຂວງວຽງຈັນ ແລະ ທ້າວນ້ອຍ ອາຍຸ 45 ປີ ກຳມະກອນ ຢູ່ບ້ານນາຝ່າຍ ເມືອງທຸລະຄົມ ແຂວງວຽງຈັນ. ໃນນັ້ນ ກວດກາພົບເຫັນຂອງ ກ າ ງ ຢ ຈຳນວນ 13 ເມັດ, ໂທລະສັບ 3 ໜ່ວຍ.

    ຕຳຫຼວດຈາລະຈອນ ປກສ ເມືອງນາຊາຍທອງ ໄດ້ໃຫ້ຮູ້ວ່າ: ໃນວັນທີ 18 ມັງກອນ 2022 ເວລາ 17:00 ໂມງ ໄດ້ປະຕິບັດໜ້າທີ່ຕັ້ງດ່ານຈຸດກວດກາເຂົ້າ-ອອກ ລະຫວ່າງ ເມືອງນາຊາຍທອງ ນະຄອນຫຼວງວຽງຈັນ ກັບ ເມືອງໂພນໂຮງ ແຂວງວຽງຈັນ ໄດ້ພົບເຫັນໄວລຸ້ນສອງຄົນ ຂັບຂີ່ລົດຈັກເວບ 100 ສີແດງດຳ ໝາຍເລກທະບຽນ ຈສ 7961 ກຳແພງນະຄອນ ເມື່ອມາຮອດຈຸດກວດກາພວກກ່ຽວໄດ້ມີພິລຸດ ເຈົ້າໜ້າທີ່ຈິ່ງຂໍເຂົ້າກວດກາພວກກ່ຽວທັງສອງ ແລະ ພົບເຫັນ ຢ ຊຸກເຊືອງໄວ້ທີ່ໝວກຂອງ ທ້າວໂຕດ 10 ເມັດ ແລະ ອີກ 3 ເມັດ ຢູ່ໃນຖົງໂສ້ງຂອງ ທ້າວ ນ້ອຍ.

    ປັດຈຸບັນ, ພວກກ່ຽວທັງສອງຄົນ ແມ່ນຖືກສົ່ງຕົວໄປກັກຂັງຊົວຄາວທີ່ ກອງບັນຊາການ ປກສ ເມືອງນາຊາຍທອງ ເພື່ອທໍາການສອບສວນຂະຫຍາຍຜົນຫາພັກພວກມາລົງໂທດຕາມກົດໝາຍ.

    LEAVE A REPLY

    Please enter your comment!
    Please enter your name here