ມາຮອດປັດຈຸບັນ ລາວ ສາມາດດືງ 3 ນັກກິລາຕ່າງປະເທດເຊື້ອສາຍລາວ ມາຮັບໃຊ້ທີມຊາດ(ຄລິບ)

    0
    70

    ທ່ານ ແສງພອນ ພົນອາມາດ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ໃນກອງປະຊຸມ ສະຫຼຸບການຈັດຕັ້ງປະຕິບັດແຜນພັດທະນາວຽກງານກິລາ-ກາຍຍະກໍາທົ່ວປະເທດປະຈໍາສົກປີ 2016-2020 ແລະ ແຜນພັດທະນາ 5 ປີ ( 2021-2025 ) ເມື່ອທ້າຍເດືອນພະຈິກ 2021 ວ່າ: ວຽກງານທີ່ພົ້ນເດັ່ນທີ່ສຸດໃນປີ 2021 ຄືພວກເຮົາສາມາດດືງນັກກິລາຕ່າງຊາດທີ່ມີເຊື້ອສາຍລາວ ມາຮັບໃຊ້ທີມຊາດລາວ ໄດ້ສໍາເລັດ 3 ຄົນ ແລະ ເປັນ 3 ຄົນທໍາອິດໃນປະຫວັດສາດຂອງວົງການກິລາລາວຄື: ( ເບິ່ງບົດລາຍງານຂອງທ່ານໄດ້ທີ່ວີດີໂອລຸ່ມນີ້ )

    1.ທ້າວ ວອລເຕີ ສະນ້ອຍ ອຸປະຖານາ ນັກກິລາມວຍສາກົນຊາວອາເມຣິກາເຊື້ອສາຍລາວ ເປັນນັກກິລາເຊື້ອສາຍລາວ ຄົນທໍາອິດ.

    2.ນາງ ຟັນນີ້ ມາລິສາ ໂກຈົວ ນັກກິລາລົດຖີບເປັນຊາວຝຣັ່ງເຊື້ອສາຍລາວ ເປັນນັກກິລາລົດຖີບປະເພດ Tracking (ຂໍ້ມູນເພີ່ມຕື່ມກ່ຽວກັບ ວອລເຕີ ແລະ ຟັນນີ້ ເບິ່ງວີດີໂອລຸ່ມນີ້ )

    3.ທ້າວ ບິລລີ ເກດແກ້ວພົມພອນ ( Billy Ketkeophomphone ) ນັກກິລາບານເຕະຊາວຝຣັ່ງເຊື້ອສາຍລາວ (ຂໍ້ມູນເພີ່ມຕື່ມກ່ຽວກັບ ບິລລີ ເບິ່ງວີດີໂອລຸ່ມນີ້ )

    ຂ່າວ: ແອັດມິນນົກ

    LEAVE A REPLY

    Please enter your comment!
    Please enter your name here