ສະຫວັນນະເຂດ​ ກວດພົບເຫັນພະນັກງານ ມີການສໍ້ລາດບັງຫຼວງ 9 ເປົ້າໝາຍ ສ້າງຄວາມເສຍຫາຍ ຫຼາຍສິບຕື້ ກີບ.

    0
    96

    🔥​🔥​ສະຫວັນນະເຂດ​ ກວດພົບເຫັນພະນັກງານ ມີການສໍ້ລາດບັງຫຼວງ 9 ເປົ້າໝາຍ ສ້າງຄວາມເສຍຫາຍ ຫຼາຍສິບຕື້ ກີບ.

    ກອງປະຊຸມສະໄໝສາມັນ​ ເທື່ອທີ 2 ຂອງສະພາປະຊາຊົນແຂວງສະຫວັນະເຂດ​ ຊຸດທີ 2 ໃນພາກເຊົ້າວັນທີ 13 ມັງກອນ 2022​ ໄດ້ຮັບຟັງການພິຈາລະນາຮັບຮອງເອົາບົດລາຍງານການເຄື່ອນໄຫວວຽກຂອງອົງການກວດສອບປະຈຳພາກກາງ ແລະ ອົງການກວດກາລັດແຂວງ.

    ທ່ານ ລຳທອງ ຂອບສີລາວົງ ກຳມະການປະຈຳພັກແຂວງ ປະທານອົງການກວດກາພັກ-ລັດແຂວງ ຜ່ານບົດລາຍງານການເຄື່ອນໄຫວວຽກງານກວດກາປະຈຳປີ 2021 ຂອງແຂວງສະຫວັນະເຂດ​ ວ່າ:​ ໄດ້ສືບຕໍ່ຕິດຕາມກວດກາການລົງທຶນຂອງລັດເລີ່ມແຕ່ຫົວທີ ຈຳນວນ 7 ໂຄງການ ເປັນການລົງທຶນຂອງຕ່າງປະເທດ ແລະ ທຶນກູ້ຢືມ ລວມມູນຄ່າ 47 ລ້ານ 7​ ແສນ 40 ພັນໂດລາສະຫະລັດ ຈັດຕັ້ງປະຕິບັດສຳເລັດ​ ແລະ​ ອີກ 6 ໂຄງການ ເຊິ່ງເປັນການລົງທຶນພາຍໃນ ລວມມູນຄ່າການກໍ່ສ້າງຕາມສັນຍາ 1​ ພັນ 67​ ຕື້ກ່ວາກີບ ມູນຄ່າປະຕິບັດໄດ້ທັງໝົດ 391 ຕື້ກ່ວາກີບ, ຜ່ານການຕິດຕາມກວດກາເຫັນວ່າ ມີໂຄງການຈຳນວນໜຶ່ງ ບໍ່ທັນສອດຄ່ອງກັບລະບຽບກົດໝາຍ, ທາງອົງການກວດກາລັດແຂວງ ກໍໄດ້ແນະນຳໃຫ້ເຈົ້າຂອງໂຄງການ ແລະ ບໍລິສັດຜູ້ຮັບເໝົາກໍ່ສ້າງປັບປຸງແກ້ໄຂຄືນ ຕໍ່ບັນຫາທີ່ຄົງຄ້າງ.

    ການຄິດຕາມກວດກາຕາມຄຳສັ່ງທັງໝົດ 5 ເປົ້າໝາຍ ກວດກາສຳເລັດ 1 ເປົ້າໝາຍ ຍັງສືບຕໍ່ກວດກາ 4 ເປົ້າໝາຍ. ໄດ້ດຳເນີນການກວດກາ ການບໍລິຫານລັດ,ການສືບສວນ-ສອບສວນ ໄດ້ພົບເຫັນພຶດຕິກຳ ການສວຍໃຊ້ໜ້າທີ່ຕຳແໜ່ງ ຂອງສະມາຊິກພັກ ພະນັກງານ ສໍ້ລາດບັງຫຼວງ ຈຳນວນ 9 ເປົ້າໝາຍ ເຊິ່ງໄດ້ສ້າງຜົນເສຍຫາຍ ທັງໝົດ 34,891 ຕື້ກີບ,​ 52.​590.​840 ບາດ ແລະ 1​ ແສນກວ່າໂດລາ,​ສາມາດເກັບກູ້ໄດ້ແລ້ວ 3,383 ຕື້ກີບ ຍັງຄ້າງ 31,507 ຕື້ກີບ , 52.​590.​000​ ບາດ ກັບ​ 1​ ແສນກວ່າໂດລາ.
    ທີ່ມາຂ່າວ: Medialao

    LEAVE A REPLY

    Please enter your comment!
    Please enter your name here