ຊາວອິນເດຍ1ລ້ານຄົນ ຈະເຂົ້າຮ່ວມພິທີ ອາບນ້ຳສັກສິດ ປະຈຳປີ

    0
    185

    ຊາວອິນເດຍ1ລ້ານຄົນ ຈະເຂົ້າຮ່ວມພິທີ ອາບນ້ຳສັກສິດ ປະຈຳປີ

    ຂປລ.ຕາມຂ່າວຈາກ ໂກລກາຕາ, ເຈົ້າໜ້າທີ່ ອິນເດຍ ຄາດການວ່າ: ຊາວອິນເດຍ ທີ່ນັບຖືສາສະໜາ ຮິນດູ ລະຫວ່າງ 800.000 ຄົນ ຫາ 1.000.000 ຄົນ ຈະໄປເຕົ້າໂຮມກັນ ບໍລິເວນ ແຄມຝັ່ງແມ່ນ້ຳຄົງຄາ ໃນວັນທີ 14-15 ມັງກອນນີ້ ເພື່ອເຂົ້າຮ່ວມ ພິທີ ອາບນ້ຳ ສັກສິດ ປະຈຳປີ.

    ຂະນະທີ່ ສະຖານະການ ແຜ່ລະບາດ ໂຄວິດ-19 ຍັງສືບຕໍ່ ເພີ່ມຂຶ້ນ ຢ່າງຮຸນແຮງ ເນື່ອງຈາກ ມີຜູ້ຕິດເຊື້ອໃໝ່ ໃນວັນທີ 11 ມັງກອນນີ້ ຈຳນວນ 168.063 ຄົນ ເປັນຕົວເລກ ເພີ່ມສູງຂຶ້ນ 20 ເທົ່າເທື່ອ ພາຍໃນໄລ ຍະເວລາ 1 ເດືອນ ໂດຍຜູ້ຕິດເຊື້ອ ສ່ວນໃຫຍ່ ແມ່ນປິ່ນປົວ ພາຍໃນເຮືອນ ແລະ ຈຳນວນໜຶ່ງ ປິ່ນປົວ ຢູ່ໂຮງໝໍ ຫລຸດລົງ ກວ່າເຄິ່ງໜຶ່ງ ຂອງ ຈຳນວນ

    ຜູ້ຕິດເຊື້ອ ໃນໄລຍະ ລະບາດ ຢ່າງໜັກ ໃນເດືອນເມສາ ແລະ ເດືອນພຶດສະພາ. ສ່ວນອີກ ຫລາຍລັດ ປະກາດ ຫ້າມປະຊາຊົນ ອອກນອກເຮືອນ ໃນເວ ລາກາງຄືນ. ໃນຂະນະທີ່ ນະຄອນຫລວງ ນີວແດນລີ ປະກາດ ໃຊ້ມາດຕະການ ເຂັ້ມງວດ ປ້ອງກັນ ໂຄວິດ-19 ໂດຍສັ່ງປິດ ສຳນັກງານ ຂອງ ບໍລິສັດ ເອກະຊົນ ລວມທັງ ພັດຕະຄານ, ຮ້ານບັນເທີງ ເພື່ອຄວບຄຸມໂຄວິດ-19 ສາຍພັນໂອໄມຄຣອນ ທີ່ຕິດຕໍ່ກັນ ໄດ້ໄວຂຶ້ນກວ່າເກົ່າ.

    ຮຽບຮຽງຂ່າວໂດຍ ສະໄຫວ ລາດປາກດີ

    LEAVE A REPLY

    Please enter your comment!
    Please enter your name here